Loron-loron bainhira konsege hakat liu estrada, labarik ne'e sempre vizita Kapela ida iha area neba hodi komprementa Maromak, nebe nia bolu 'maluk'.
Atitude labarik durante ne'e observa hela deit husi Pendeta ida iha besik Kapela ne'e, tanba nia sente laran'kmo'ok no konetenti hetan labarik nebe sei ki'ik maibe nia fiar forte.
"diak ka lae, Andy? atu ba eskola ga?" (hase Pendeta loron ida)
"Sim, Amo!" hatan Andy ho oin mamar.
Pendeta ne'e prekupa teb-tebes ho labarik ne'e, tan ne'e loron ida nia fo honoin hela ba labarik ki'ik oan ne'e, "Andy labele hakat estrada mes-mesak, bainhira sai eskola, O bele mai Kapela no hau sei hatene O ba to'o uma ho kondisaun diak."
"Obrigado, Amo."
"Tansa ohin O lakohi fila ba uma? O atu hela iha Kapela bainhira sai eskola ka?"
"Hau hakarak vizita no komprementa deit Maromak...., hau nia maluk."
No Pendeta ne'e husik Andy tur mesak iha altar oin no koalia mes-mesak, maibe Pendeta ne'e la ba fatin dok, nia subar hela iha altar kotuk atu rona saida mak Andy atu koalia ba Nai Maromak iha lalehan.
Andy komesa koalia...!!!!!!
"Ita bot hatene Nai, hau valor ijame matematika loron ohin at teb-tebes, maibe hau lakoi hare tuir ema nia maske hau nia kolega balun halo hanesan ne'e. Agora hau han deit dose ida ho be. Hau nia Papa tinan ne'e la hetan rendimentu diak no hau bele han deit dose ida ne'e.
Obrigado wain ba dose ne'e, Nai! Ohin hau hare Busa oan ida hamlaha los iha dalan ibun no hau fo dose restu nebe hau iha...., maibe nia komiku mak hau la senti hamlaha ona momentu ne'e.
Hare..., ne'e hau nia sapatu ikus liu. dala ruma semana oin hau sei lao ho ain tanan. hau fiar Ita bot hatene sapatu ne'e atu at. maibe la buat ida, naran katak hau sei bele ba eskola. ema barak koalia fulan ne'e ami sei infreta krize aihan, ne'ebe halo hau nia kolega balun para ona eskola, favor ajuda sira atu bele tama eskola fila fali.
favor ajuda Nai.
Oh, ita bot hatene hau nia Ama ohin baku fali hau. Hau sente moras duni, maibe hau hatene moras ne'e sei lakon, naran katak hau sei iha Ama.
Nai, ita bot hakarak hare hau nia kanek??? hau hatene ita bot bele kura kanek sira ne'e, iha ne'e..... iha ne'e...... hau hanoin ita bot hatene ida ne'e....??? Favor labele hirus hau nia Ama..?? Nia agora kole los no preokupa hela ho ami nia aihan no hau nia kustu eskola.... tan ne'e mak nia baku hau.
Oh, Nai...! hau senti, hau gosta hela labarik feto ida nebe bonita tebes iha ami nia aula laran, naran Anita. tuir ita bot, nia gosta hau ka lae??? la buat ida se nia la gosta hau, naran katak hau hatene no fiar oita bot gosta nafatin hau tanba hau la presija sai ema ka buat ida hodi servi ita bot. ita bot mak hau nia belun diak.
Hei..., ita bot nia tinan hela loron rua deit ona, ita bot kontenti ka lae??? hein deit orsida ita bot sei hare, hau iha prezente ida ba ita. maibe ita bot labele hatene lai e....! hau espera ita bot gosta prezente husi hau.
Oooops.. hau tenki fila agora - adeus..!."
Andy komesa hamrik no bolu Pendeta .
"Amo... Amo, hau koalia hotu ona ho hau nia belun, ita bot bele ona akompanha hau atu hakat ba estrada sorin!"
Aktividade ida ne'e sempre halao loron-loron, Andy nungka falta maski dala ida.
Pendeta Agaton fahe istoria ne'e ba sarani sira iha Igreja kada Domingo, tanba nia nungka hare fe ka fiar nebe orijen duni ba Maromak iha nia moris... labarik ida nebe sempre hanoin positivu ba kualker aktu ou hahalok negativu nebe nia infrenta.
Iha loron Natal, Pendeta Agaton moras no labele dirije misa, nia tona hela iha hospital. Kapela no serimonia misa Natal nia intrega ba Feto ferik nain 4 ne'ebe nungka hamnasa no sempre fo sala ba buat hotu nebe ema seluk halo. sira mos empre trata no hotar ema nebe halo sira hirus. maibe tan la iha ema seluk nebe Pendeta fiar, tengki sira duni mak halao servisu ne'e.
Baihira sira ho ema barak sei reja, Andy derepenti mosu iha Kapela laran ho lias makas hanesan hase "Halo hau Nain..", nia foin partisipa festa Natal hamutuk iha nia eskola.
"Laiha edukasaun, labarik!!! O la hare ami reja hela???!!! sai, sai!!!!!" (hakilar ferik nain 4 ne'e 1)
Andy hakfodak la halimar,"Pendeta Agaton iha nebe...?? Tuir lolos nia tengki ajuda hau hodi hakat ba estrada sorin. bai-bain nia haruka hau atu tama liu husi odamatan kotuk. laos ne'e deit, hau mos tengki komprementa Nain Jesus, tanba ohin loron nia tinan, hau mos iha prezenta atu fo ba Nia.."
Bainhira Andy atu hasai prezente husi nia kamizola laran, NAin ida husi ferik nain 4 ne'e rasta nia no dudu nia sai husi Kapela laran.
"O sai, labarik!... O sei hetan Nia!!!"
Andy tauk no dok husi fatin ne'e. nia laiha alternativu seluk tan la hare Pendeta, nia tengke hakat estrada nebe perigoju mesak deit. Nia komesa tama ona estrada klaran, derepenti kareta bot ida mosu ho velosidade masimu, iha neba mos iha kurjamentu ida nebe halo motorista la bele hateke dok. Andy hanoin atu subar prezente nebe nia lori iha nia kamizola laran, nebe halo nia la hare kareta nebe mai, no tempu atu salva an la iha ona, no Andy mate iha fatin. ema barak iha area neba mai haleu tiha Andy nia mate isin.
Teki-teki, la hatene mai husi nebe, mane ida ho ropa mutin hotu no nia oin kaber no nabilan, ho matan-wen hakbesik no hakuak Andy nia mate isin. Nia tanis.
Ema barak nebe asiste hakfodak,"deskulpa senhor... ita bot labarik ne'e nia familia? ita bot konhese nia?"
Mane ne'e ho laran triste teb-tebes hatan,"Nia hau belun diak." liafuan ne'e deit mak nia hatete.
Nia foti prezente husi Andy nia faru laran no hakuak metin. Depois nia hamrik no lori Andy nia isin mate, derepnte nia lakon hamutuk ho labarik nia isin. ema barak iha neba hakfodak teb-tebes no konta ba malu misteriu nebe sira asiste dadaun.
iha kalan Natal, Pendeta Agaton hakfodak tebes bainhira simu informasaun ne'e.
ho obriga an Nai ba Andy nia uma hodi hatene lolos Ema misterius nebe lori labarik ne'e nia mate isin. Pendeta hasoru malu ho Andy nia inan-aman.
"Oinsa imi bele hatene katak imi nia oan mate ona?"
"Mane ida ho hatais mutin-mutin mak lori nia isin mate mai uma." hatan Andy nia Ama ho matan-wen.
"Nia koalia saida ba imi?" pendeta akresenta
Apa Andy hatan,"Nia la koalia liafuan ida. Nia triste lahalimar. ami la koihese nia maise ami hare nia sente lakon belun diak ida, hanesan los nia konhese didiak Andy. soke Nia rei Andy nia ren to'os no hameno liafuan ida.S
"Nia dehan saida?"
"Nia koalia ba hau nia oan nune'e.." Obrigadu ba ita nia prezente..!
Hau sei hasoru ita. O sei hamutuk ho hau." no Andy nia Apa hatutan, "Pendeta hatene.. depereti ami sente buat hotu sai furak.. hau tanis maibe hau lahatene tansa mak hau tanis. maibe hau sente hau tanis tan laran haksolok... hau mos labele esplika tansa? maibe bainhira nia husik ami, ami nia laran sente nakonu ho dame, hau sente tebes nia grasa no espiritu nebe laiha rohan.. halo hau fiar katak agora hau oan 'Andy' hela iha Lalehan.
Maibe favor senhorPendeta .. Ema ida ne'ebe mak loron-loron koalia ho Andy iha Kapela? senhor lolos tenke hatene tanba ita bot iha neba lor-loron, soke iha loron Andy hetan dezastre mak ita bot laiha neba.
Pendeta Agaton teki-teki sente nia matan-ben lunturu habokon ona nia hasan, ho aintur nakdedar nia dehan,"Andy nunka koalia ho ema ida..., nia koalia deit ho Maromak."
No comments:
Post a Comment